La Ermita. Rito hispano-mozárabe

TEXTOS LITÚRGICOS

RITO HISPANO-MOZÁRABE

Textos propios de la Misa del Común de varios difuntos II

 

Misa en Rito Hispano-Mozárabe


 

Prælegendum / Canto de entrada Sal 118,124; 122,1
Fac cum servis tuis, Dómine, misericórdiam, allelúia, allelúia. Trata con misericordia a tu siervo, Señor, aleluya, aleluya.
V/. Ad te levámus óculos nostros qui hábitas in cælis.
R/. Misericórdiam, allelúia, allelúia.
V/. Glória et honor Patri et Fílio et Spirítui Sancto, in sæcula sæculórum.
R/. Misericórdiam, allelúia, allelúia.
V/. A ti levantamos nuestros ojos, a ti que habitas en el cielo.
R/. Misericordia, aleluya, aleluya.
V/. Gloria y honor al Padre y al Hijo y al Espíritu Santo, por los siglos de los siglos.
R/. Misericordia, aleluya, aleluya.

 

Prælegendum in Quadragessima / Canto de entrada en Cuaresma Sal 118,41-42
Véniat super nos, Dómine, misericórdia tua, salutáre tuum et elóquium tuum. Señor, que nos alcance tu favor, tu salvación según tu promesa.
V/. Et respondébo exprobrántibus mihi verbum: quia sperávi in sermónibus tuis.
R/. Salutáre tuum et elóquium tuum.
V/. Glória et honor Patri et Fílio et Spirítui Sancto, in sæcula sæculórum.
R/. Salutáre tuum et elóquium tuum.
V/. Así responderé a los que me injurian: que confío en tu palabra.
R/. Tu salvación según tu promesa..
V/. Gloria y honor al Padre y al Hijo y al Espíritu Santo, por los siglos de los siglos.
R/. Tu salvación según tu promesa.

Inicio página

Oratio post Gloriam / Oración después del Gloria
Fac, quæsumus, Dómine, hanc cum servis tuis fidélibus defúnctis misericórdiam, ut factórum suórum in pœnis non recípiant vicem, qui tuam in votis tenuérunt fídei veritátem.
Ut sicut hic vera fides iunxit eos fidélium turmis, ita eos illic tua miserátio consóciet Aangélicis choris.

R/. Amen.
 
Per grátiam pietátis tuæ, Deus noster, qui vivis et regnas in sæcula sæculórum.
R/. Amen.
Por gracia de tu piedad, Dios nuestro, que vives y reinas, por los siglos de los siglos.
R/. Amén.

Inicio página


LITURGIA VERBI / LITURGIA DE LA PALABRA

Prophetia / Profecía Is 58,10-11 (2)
Léctio libri Isaíæ prophétæ.
R/. Deo grátias.
Lectura del libro del profeta Isaías.
R/. Demos gracias a Dios.
Hæc dicit Dóminus:

Oriétur in ténebris lux tua,
et calígo tua erit sicut merídies.
Et te ducet Dóminus semper,
et satiábit in locis áridis ánimam tuam
et ossa tua firmábit;
et eris quasi hortus irríguus
et sicut fons aquárum,
cuius non defícient aquæ.

R/. Amen.

Esto dice el Señor:

Brillará tu luz en las tinieblas,
tu oscuridad como el mediodía.
El Señor te guiará siempre,
hartará tu alma en tierra abrasada,
dará vigor a tus huesos.
Serás un huerto bien regado,
un manantial de aguas que no engañan.

R/. Amén.

Inicio página

Psallendum / Salmo de meditación Sal 89,13
Convértere aliquántulum, Dómine. Vuélvete, Señor, ¿hasta cuándo?
V/. Et repropitiáre super servos tuos.
R/. Dómine.
V/. Ten compasión de tus siervos.
R/. Señor.

Inicio página

Apostolus / Apóstol Rom 14,7-11
Epístola Pauli apóstoli ad Romános.
R/. Deo grátias.
Carta del apóstol Pablo a los romanos.
R/. Demos gracias a Dios.
Fratres:

Nemo enim nostrum sibi vivit, et nemo sibi móritur; sive enim vívimus, Dómino vívimus, sive mórimur, Dómino mórimur. Sive ergo vívimus, sive mórimur, Dómini sumus.

In hoc enim Christus et mórtuus est et vixit, ut et mortuórum et vivórum dominétur.

Tu autem, quid iúdicas fratrem tuum? Aut tu, quare spernis fratrem tuum? Omnes enim stábimus ante tribúnal Dei.

Scriptum est enim: «Vivo ego, dicit Dóminus, mihi flectétur omne genu, et omnis lingua confitébitur Deo».

 R/. Amen.

Hermanos:

Ninguno de nosotros vive para sí mismo y ninguno muere para sí mismo. Si vivimos, vivimos para el Señor; si morimos, morimos para el Señor; así que ya vivamos ya muramos, somos del Señor.

Pues para esto murió y resucitó Cristo: para ser Señor de muertos y
vivos.

Pero tú, ¿por qué juzgas a tu hermano? Y tú, ¿por qué desprecias a tu hermano? De hecho, todos compareceremos ante el tribunal de Dios, pues está escrito: ¡Por mi vida!, dice el Señor, ante mí se doblará toda rodilla, y toda lengua alabará a Dios.

R/. Amén.

Inicio página

Evangelium / Evangelio Jn 5,25-30
Léctio sancti Evangélii secúndum Ioánnem.
R/. Glória tibi Dómine.
Lectura del santo Evangelio según san Juan.
R/. Gloria a ti, Señor.

In illo témpore:

Dóminus noster Iesus Christus loquebátur discípulis suis dicens:

Amen, amen dico vobis: Venit hora, et nunc est, quando mórtui áudient vocem Fílii Dei et, qui audíerint, vivent. Sicut enim Pater habet vitam in semetípso, sic dedit et Fílio vitam habére in semetípso; et potestátem dedit ei iudícium fácere, quia Fílius hóminis est.

Nolíte mirári hoc, quia venit hora, in qua omnes, qui in monuméntis sunt, áudient vocem eius et procédent, qui bona fecérunt, in resurrectiónem vitæ, qui vero mala egérunt, in resurrectiónem iudícii.

Non possum ego a meípso fácere quidquam; sicut áudio, iúdico, et iudícium meum iustum est, quia non quæro voluntátem meam, sed voluntátem eius, qui misit me».

R/. Amen.

En aquel tiempo:

Nuestro Señor Jesucristo habló a sus discípulos diciendo:

En verdad, en verdad os digo: llega la hora, y ya está aquí, en que los muertos oirán la voz del Hijo de Dios, y los que hayan oído vivirán. Porque, igual que el Padre tiene vida en sí mismo, así ha dado también al Hijo tener vida en sí mismo. Y le ha dado potestad de juzgar, porque es el Hijo del hombre.

No os sorprenda esto, porque viene la hora en que los que están en el sepulcro oirán su voz: los que hayan hecho el bien saldrán a una resurrección de vida; los que hayan hecho el mal, a una resurrección de juicio.

Yo no puedo hacer nada por mí mismo; según le oigo, juzgo, y mi juicio es justo, porque no busco mi voluntad, sino la voluntad del que me envió.

R/. Amén.

Inicio página

Laudes Sal 105,4
Allelúia. Aleluya.
V/. Meménto nostri, Dómine, in beneplácito pópuli tui, vísita nos, Deus, in salúte tua.
R/. Allelúia.
V/. Acuérdate de nosotros, Señor, por amor a tu pueblo, oh Dios, visítanos con tu salvación.
R/. Aleluya.

Inicio página

Sacrificium / Canto del Ofertorio Sal 50,11.3-4
Avérte, Dómine, fáciem tuam a peccátis meis et omnes iniquitátes meas dele, Deus meus. Aparta tu rostro de mis faltas, cancela mis pecados, Dios mío.
V/. Miserére mei, Deus, secúndum magnam misericórdiam tuam, et secúndum multitúdinem miseratiónum tuárum dele iniquitátes meas.
Úsquequo lava me ab iniustítia mea, et a peccáto meo munda me.
R/. Deus meus.
V/. Ten compasión de mí, oh Dios, por tu misericordia, por tu inmensa ternura borra mi iniquidad.
Lávame más y más de mi delito y purifícame de mi pecado.
R/. Dios mío.

Inicio página

Oratio Admonitionis / Monición sacerdotal

Mémores, dilectíssimi fratres, omni humáno géneri præséntis vitæ meritórum in morte discretiónem dispárem, témporum finem esse commúnem, pro réquie fidélium defunctórum, et pro nostrórum societáte membrórum deprecándi Dóminum, quo póssumus conátu, sumámus afféctum.
Ut, sicut conditiónis eius est factum, a se ánimas hóminum esse perpétuas, ita pietátis eius sit se conféssas esse secúras; et quod habent te creánte esse non defíciant, eódem parcénte hábeant non esse quod lúgeant.

Detur permansúris gaudére quod sint, non cruciándi flere quod fúerint; hoc translátæ mereántur a mundo, ne se delétas dóleant esse post mundum; et quæ æternáliter vivunt, non pœnáliter moriántur.
Hanc quoque oblatiónem, oblátam pro vivis ac mórtuis, ut eam Christus accéptet súpplici devotióne precémur; ut recedéntes mansiónis iucúnditas concéssa deléctet, et supérstites credúlitas, tristítia cedénte, lætíficet.
Illos indulgéntia remissiónis confóveat, hos patiéntia conversiónis compónat.
In id quod prævénti sunt illis non séntiant, ut prævéniant eum isti non néglegant.

Absólvat píetas arcessítos, córrigat religiósitas secutúros; operetúrque in utrósque grátia Redemptóris, ut sibi pœna nihil víndicet in illis, si débuit; istis non débeat.
R/. Amen.

 
Per misericórdiam ipsíus Dei nostri, qui vivit et ómnia regit, in sæcula sæculórum.
R/. Amen.
Por la misericordia del mismo Dios nuestro, que vive y todo lo gobierna por los siglos de los siglos.
R/.
Amén.

Inicio página

Alia / Oración entre los Dípticos

Deus, cuius solum potestáti hóminem nec mors tollit, quia tibi et ipsa subiécta sit; Deus, apud quem bonus gaudébit se vitam invenísse post mortem, malus dolébit se mortem invenísse post vitam, dum et hunc affectúrus sit cruciátus legis, et illum refectúrus sit tránsitus temporális.

Te, pro réquie fidélium defunctórum N. et N., præséntium immolatióne obsecrámus libáminum; ut eos a quocúmque reátu in quo carnáli crímine decépti incurrérunt, fides quæ te agnovérunt, credidérunt, rogavérunt, a láqueis diáboli illos líberet, et hoc sacrifícium a mortálibus culpis reos mortalitátis excúset.

Ac si eos pro modo animadversiónis senténtia vindicándis obnóxiet, et quod præcéptum tuum occupáti mundum erróribus non implevérunt, hoc saltim eis, misericórdia parcénte, ætérnum subvéniat ad remédium, quo te in veritáte Deum unum in Trinitáte conféssi sunt.
R/. Amen.

 
Per misericórdiam tuam, Deus noster, in cuius conspéctu sanctórum Apostolórum et Mártyrum, Confessórum atque Vírginum nómina recitántur.
R/. Amen.
Por tu misericordia, Dios nuestro, en cuya presencia recitamos los nombres de los santos Apóstoles y Mártires, Confesores y Vírgenes.
R/. Amén.

Inicio página

Post Nomina / Oración después de los Dípticos
Deus cæléstium, terréstrium et infernórum, qui supérna cóntines et ínfera moderáris, adésto oránti et deprecánti maiestátem tuam pópulo tuo; et da ut hæc piæ oblatiónis offícia, et beatitúdinis vivis, et remissiónem mórtuis consequántur.
R/. Amen.
 
Quia tu es vita vivórum, sánitas infirmórum ac réquies ómnium fidélium defunctórum in ætérna sæcula sæculórum.
R/. Amen.
Porque tú eres la vida de los que viven, la salud de los enfermos, y el descanso de todos los fieles difuntos, por todos los siglos de los siglos.
R/. Amén.

Inicio página

Ad Pacem / Oración de la Paz
In hac commemoratióne defunctórum fidélium, pro qua tibi, Deus, hoc sacrifícium laudis offérimus, cleméntiam tuam súpplices exorámus; ut illis ita beatórum gáudia cum sanctis dones præmia indeficéntia, et nobis inviolátæ pacis concórdiam cónferas observándam.
R/. Amen.
 
Quia tu es vera pax nostra et cáritas indisrúpta qui vivis tecum et regnas cum Spíritu Sancto, unus Deus, in sæcula sæculórum.
R/. Amen.
Porque tú eres nuestra paz verdadera caridad indivisible; tú que vives contigo mismo y reinas con tu Hijo y el Espíritu Santo un solo Dios, por los siglos de los siglos.
R/. Amén.

  Inicio página

Illatio / Acción de gracias

Dignum et iustum est, omnípotens Deus, nos tibi pro nostra, et pro convivéntium temporáli vita, atque illa quæ defúnctis ætérna est, mixtas gratiárum actiónum preces cum láudibus exhibére, et illam ineffábilem in omni ópere vel iudício tuo gloriósæ senténtiæ potestátem in quantum accipiéntibus datur effári.
Quia cum hóminem ex finíto et infiníto constáre féceris, apud te procul dúbio servántur in perpétuo qui migrántur a sæculo.
Nobis subláti, in se transláti, ad te proláti, tuo iure vivunt, qui nostro témpore defecérunt.

Sed, quóniam iusti iúdicis æquitáte decrétum est, ut qui non moriúntur crímini, moriántur in crímine, si tamen líceat non esse qui sint grávius semper esse, ne hábeant finem pœnæ, qui non habuérunt finem luxúriæ: nescitúri in supplíciis términum qui peccátis términum non dedérunt.
Ergo, quia te, Dómine, prophéta dicénte: Omnes mórtui non laudábunt, neque hi qui in inférnum descéndunt dabunt glóriam nómini tuo, qui perdidérunt causas peccáto suo.

Ob hoc te, Dómine, pro defúnctis fidélibus pátribus vel frátibus nostris postulámus prostráti, ac nímium súpplices deprecámur, qui te per baptísmum renáti agnovérunt, qui corpus Fílii tui ac sánguinem, cum pro hoc remissiónem sperárent, accepérunt; qui Ecclésiam tuam cathólicam, cum in te créderent, non relinquérunt; qui tibi cum peccárent, ingemuérunt; qui sibi ut parceréntur, orárunt, de resurrectióne non dúbii, de iudício non sæcúri, de consciéntia trépidi, de misericórdia non diffísi; qui quótiens victi, tótiens fortásse compúcti, cónscium pectus mánibus illisérunt, et voce cordis míseros se clamavérunt, fragilitáte obnóxii, non fídei.

His, tu, Dómine, Mediatóris tui ac nostri miserére per grátiam, ut liberáti a culpa, lætificáti a vénia, inter creatúræ prióris nobilitátem et sequéntis indulgéntiæ libertátem, plus te laudent quod eváserint, quam possent laudáre quod fúerint.

Te præstánte, cui mérito omnes Ángeli et Archángeli non cessant clamáre cotídie, ita dicéntes:

 

Inicio página

Post Sanctus / Oración después del Sanctus

Vere sanctus, vere benedíctus es, Dómine Deus noster, auctor vitæ et cónditor; qui futúræ resurrectiónis es rédditor ac indúltor; qui promíssæ immortalitátis dispensátor es atque largítor; qui posuísti præséntis vitæ términum, ut æternitátis réseres intróitum, et per finem præséntium princípia pánderes futurórum.

Qui necessitátem animárum recedéntibus a corpóribus non intéritum voluísti esse, sed sómnium, et dissolútio dormiéndi roboráret fidúciam resurgéndi, dum in te credéntium vivéndi usus non amíttitur, sed transfértur, et fidélium tuórum mutátur vita, non tóllitur.
Cuius institutiónem nulla divérsitas mortis, nullum indícium indíctæ mortalitátis inclúdit, et ita ópera tuórum digitórum períre non patéris; ut quidquid hóminum per mortis varietátem tempus labefécerit, aura dissolúerit, ignis consúmpserit, avis rapúerit, fera discérpserit, terra obsorbúerit, pulvis involúerit, gurgis immérserit, piscis exésserit, vel quidquid in vetustíssimum mare fúerit redáctum, te iubénte, terra redivívum restítuat, induátque incorruptiónem, depósita corruptióne.

Te exorámus, ac súpplices pétimus, ne spíritus fidélium sepultórum aut trístibus abýssi ténebris, aut ígnitis gehénnæ camínis, aut perpétuis tártari frigóribus deputáti, pœnális locus ad habitándum accípiat; sed in sinu Ábrahæ et in grémio patriarchárum requiescéntes, tempus resurrectiónis diémque iudícii cum gáudio secutúræ immortalitátis exspéctent.

Per Christum Dóminum ac Redemptórem ætérnum.

 

Inicio página

Post Pridie / Invocación

Dómine Iesu Christe, qui vera es vita credéntium, tibi pro defúnctis fidélibus pátribus vel frátribus nostris seu amícis, sacrifícium istud offérimus; obsecrántes ut regeneratiónis fonte purgátos, et temptatiónibus mundi exémptos, beatórum número insérere dignéris; et quos fecísti esse adoptiónis partícipes, iúbeas hereditátis tuæ esse consórtes.
R/.
Amen.

 
Te præstánte, Christe Deus noster, qui es redémptio animárum nostrárum et réquies ómnium fidélium defunctórum, qui regnas cum Deo Patre et cum Spíritu Sancto in sæcula sæculórum.
R/.
Amen.
Concédelo, Cristo Dios nuestro, tú que eres la redención de nuestras almas y el descanso de todos los fieles difuntos y reinas con Dios Padre y con el Espíritu Santo por los siglos de los siglos.
R/.
Amén.

Inicio página

Cantus ad Confractionem / Canto de la Fracción Is 58,10-11 (4)
Oriétur in ténebris lumen vobis; et ténebræ vestræ erunt sicut merídies, et réquiem vobis dabit Dóminus semper. Brillará tu luz en las tinieblas, tu oscuridad como el mediodía. El Señor te guiará siempre.

Inicio página

Ad Orationem Dominicam / Introducción al Padre nuestro
Præsta, Dómine, supplicántibus nobis, ut per hæc piæ oblatiónis libámina, ánimæ defunctórum, et a tartáreis vínculis absolvántur, et ætérnæ quiétis amœnitáte donéntur; quo et sepúltis refrigéria, et vivis impetrántes tutélam, ad te semper fiduciáliter proclamémus atque dicámus:  

Inicio página

Benedictio / Bendición

Christus Dóminus, qui morte sua súbvenit mórtuis, orántes vos exáudiat pro defúnctis.
R/. Amen.

 

Ut vestris précibus exorátus, et vobis salútem optábilem præstet, et illis impetrétis quiétem.
R/. Amen.

 

Quo fides, qua illis simul Dómino créditis, et vos iustíficet a delíctis, et illos líberet a supplíciis.
R/. Amen.

 
Ipso præstánte, qui cum Patre vivit et regnat in unitáte Spíritus Sancti in sæcula sæculórum
R/. Amen.
Que nos los otorgue Cristo, que vive y reina con el Padre en la unidad del Espíritu Santo por los siglos de los siglos.
R/. Amén.

Inicio página

Completuria / Oración conclusiva
Refécti Christi córpore, sanguinéque páriter sanctificáti, Deo Patri omnipoténti grátias referámus; ut in eádem refectióne sanctificatiónem habéntes hic, in futúro sæculo glóriam percipiámus.
R/. Amen.
Nutridos con el Cuerpo de Cristo y santificados con su Sangre demos gracias a Dios, Padre todopoderoso, para que en virtud de tal alimento perseveremos aquí en una vida santa y consigamos la gloria en el reino venidero.
R/. Amén.
Per grátiam pietátis eius qui est benedíctus in sæcula sæculórum.
R/. Amen.
Por la gracia y la misericordia de Aquél que es bendito por los siglos de los siglos.
R/. Amén.

Inicio página


1. Las partes variables de la misa que aquí se ofrecen (textos eucológicos, cantos y lecturas) junto al Ordinario (Liber Offerentium u Oferencio) permiten componer la misa completa. Los textos latinos son los oficiales y están tomados del Missale Hispano-Mozarabicum II (pp. 801-809) y del Liber Commicus II  (pp. 269-270). Los textos bíblicos en español están tomados de la Sagrada Biblia, versión oficial de la Conferencia Episcopal Española. BAC, Madrid 2011.

(Se recuerda que hasta la fecha no existe misal oficial en español).

2. Is 58,10b-11. N. de La Ermita.

3. Aunque es el mismo sacrificium que el Missale Hispano-Mozarabicum I indica para las misas de Cuaresma la reseña que se da en éste es: Sal 28,2 (p. ej. pp. 183-187). N. de La Ermita.

4. Is 58,10c-11a. N. de La Ermita.

 

 

Índice LiturgiaInicio página

© La Ermita. España MMXIV